Жамбыл облыстық "Һибатулла Тарази" медресе-колледжінде оқу бітіруші  3 курс шәкірттері қорытынды мемлекеттік емтихан тапсырды. 

Шешуші сынақты қабылдау комиссиясында ҚМДБ-ның Діни білім және кадр дайындау бөлім меңгерушісінің орынбасары Серікбол Аршабаев, ҚМДБ-ның Жамбыл облысы бойынша Бас имамы, «Һибатулла Тарази» медресе-колледжінің директоры Бейбит Мырзагелдиев, «Һибатулла Тарази» медресе-колледжінің оқытушысы Нұрлан Мұрат болды. 

Студенттер Құран, фиқһ, араб тілі, ақида пәндері бойынша емтиханды билет сұрақтары негізінде ауызша тапсырды. Айта кетейік, биыл 13 шәкірт түлек атанып отыр. Сынақ қорытындысына сай 3 студент қызылға тапсырса, 10 шәкірт көк дипломға оқуын тәмәмдамақ. 

 Ақерке БЕКҚҰЛОВА

"Һибатулла Тарази" мешітінің баспасөз қызметі