Бүгін Ұлытау облысы, Жаңаарқа ауданында Құран жаттау орталықтарының шәкірттері арасында өткен Құран байқауы қорытындыланды. Марапаттау салтанатына Қазақстан мұсылмандары діни басқармасының төрағасы, Бас мүфти Наурызбай қажы Тағанұлы қатысып, жеңімпаздар мен жүлдегерлерге марапаттарын табыстады.
«Һибатулла Тарази» медресе-колледжінің ұйымдастыруымен үстел теннисінен турнир өтті. Сайысқа оқу орнының ұстаздары мен шәкірттері, сондай-ақ Тараз қаласының имамдары қатысып, 20 ойыншы өзара мықтыны анықтады.
«Таза Қазақстан» жобасы аясында Тараз қаласына қарасты Қызылабат және Құмшағал аумақтарында абаттандыру жұмыстары жүргізілді. Игі бастамаға мыңға жуық адам қатысып, өңірдің көркеюіне өз үлестерін қосты.
Жамбыл облысында техникалық және кәсіптік білім беру ұйымдарының студенттері арасында «Заңды жолмен» атты облыстық пікірсайыс турнирі өтті.
