Жамбыл облыстық «Һибатулла Тарази» мешітінің жанынан ашылған Қарилар курсы тағы бір шәкіртін ұшырып, қуанышқа бөленді. 2024 жылы басталған бұл ізгі жолда шәкіртіміз Нұрасыл Кенжебай ұлы кітапты толықтай жаттап қана қоймай, оны үздіксіз қайталап, білімін бекемдей отырып, жинақтау емтихандарын абыроймен тапсырып шықты. Жас қаридың зеректігі мен ынтасы әсіресе соңғы кезеңде айқын көрінді: ол әлі бетін ашпаған соңғы 20 параны күніне 10 беттен еңсеріп, таңғалдарлық қарқын танытты.
