"Һибатулла Тарази" медресе-колледжінде "Фиқһ мәселесінде жаңа пайда болған көзқарастар" тақырыбында ашық сабақ өтті.

Шараға оқу орының директоры Қанат Жұмағұл, орынбасары Сәкен Сейіткәрімов, фиқһ пәнінің оқытушысы Жарбол Ақжігіт пен  1-2-3 курс студенттері қатысты. 

Сабақта тазалық бабына арналған бірқатар мәселелер талқыланды. Бүгінгі таңда қолданылып жатқан киім жуғыш құралдар: сабын, ұнтақ, сұйық сабынмен кірді тазартуға бола ма? Кір жуғыш машинемен кір жуғанда нәжіс толық кетеді ме? Кәріз суынан аққан сары су дәрет алуға жарай ма? Ыдыс жуғыш машинені пайдалану тазалыққа сай ма, сынды сұрақтар бүге-шегесін дейін түсіндірілді.

Ұстаз тапсырмасына сай 3 курстың 2 шәкірті сабаққа арнайы материал дайындап, басқалары сұрақ қойып, дәйекті жауаптар алды. Қызықты әрі тың деректерге толы дәріске жоғары баға берілді. 

Ақерке БЕКҚҰЛОВА

"Һибатулла Тарази" мешітінің баспасөз қызметі