Бүгін "Һибатулла Тарази" медресе-колледжінде түлектер кеші өтті. Шараны осы оқу орнының түлегі Дулат қари Құран аятымен бастап, медресе директоры Қанат Жұмағұл сөз сөйлеп ашты. Жиынды 1-курс студенті Данияр шәкіртіміз жүргізсе, отырысты Т.Жүргенов атындағы 4-курс студенті Али өнерпаз күйі мен термесімен көркемдеді. 

Ақ дастархан жайылған әдемі кеште студенттердің алғашқы ұстазы Жамбыл обылыстық орталық мешіттің бас имамның бірінші орынбасары Нұралы Бақытұлы насихатын айтып, ақ тілегін жеткізді.

Жиын соңында осы шараның ұйымдастыруына мұрындық болған директор орынбасары Сәкен Сейткәрімұлы сөз сөйлеп, сыйлықтарын табыс етсе, облыстық мешіттің наиб имамы Ғалымбек Жапек ақ батасын берді.

Биылғы "Һибатулла Тарази" медресе-колледжінің "колледж" статусындағы дипломын 2018-2021 оқу жылдарының 15 түлегі иеленді. Олардың 5-еуі қызыл дипломға аяқтады. Бітіру кешін медресе ұжымы ұйымдастырып, салтанатты түрде диплом әрі сыйлыққа кітап, ал иықтарына қазақы нақышта шапан жауып шығарып салды.

Айта кетейік, түлектердің жартысы қызметке бұйрық алса, қалғандары оқуын тереңдетіп жалғастыруға ниетті.

Ақерке БЕКҚҰЛОВА

"Һибатулла Тарази" мешітінің баспасөз қызметі