Тұрар Рысқұлов ауданы Құлан ауылы «Сұлтан» орталық мешітінің бас имамы Қуаныш Досымжанұлының ұйымдастыруымен Тараз қаласы «Һибатулла Тарази» медресе колледжі шәкірттері арасында интеллектуалды ойын өткізілді.

Білім жарысына медресенің 1,2,3 курс шәкірттері және дуальды оқудың 2 ші курс имамдары қатысып, білімдерін тереңдету мақсатында өзара бақ сынады. Жарыста шәкірттер "Жамбыл", "Алаш", "Әулиеата" деп 3 топқа бөлінді.  Діни білім жарысында Құран ілімінен, фиқһтан және Пайғамбарлар тарихынан сұрақтар қамтылды. Әділқазылар алқасында медресе ұстазы Дархан мен Бірлік қари отырып, төрелік етті. Қорытындылай келе, 120 ұпаймен «Алаш» тобы жарыс жеңімпазы атанды.