Жамбыл облысы әкімдігінің дін проблемаларын зерттеу орталығының инспекторы Култаев Сержан Пәрімұлы «һибатулла Тарази» медресе-колледжінің шәкірттеріне «Деобанд Мектебінің діни концепциясы мен саяси тәжірибесі» тақырыбында дәріс өткізді.

Дәріс барысында Култаев Сержан Пәрімұлы Деобанд мектебінің қалыптасу тарихы, оның негізгі діни ұстанымдары мен қазіргі мұсылман әлеміне әсері туралы кеңінен түсіндірді. Ол сондай-ақ, Деобанд ілімінің Үндістан, Пәкістан және Орталық Азиядағы ықпалы, оның саяси және діни тәжірибесі, сондай-ақ бұл мектептің ислам әлеміндегі рөліне тоқталды.

Шәкірттер дәріс барысында діни ағымдар мен олардың қоғамға ықпалы туралы маңызды мағлұматтар алып, өздерін қызықтырған сұрақтарын қойды. Сондай-ақ, дәрісте қазіргі заманғы діни тенденциялар мен олардың Қазақстандағы діни тұрақтылыққа әсері жөнінде пікір алмасу өтті.

Шара соңында медресе шәкірттері алған білімдерін талқылап, дін саласындағы сарапшылармен байланыс орнату мүмкіндігіне ие болды.