Жамбыл облыстық «һибатулла Тарази» медресе-колледжінің ұстаздары аттестациядан өтті. Аттестация барысында медресе-колледж ұстаздарының білім деңгейі, діни және зайырлы пәндер бойынша біліктілігі, сондай-ақ оқыту әдістері тексерілді. Тестілеу мен сұхбат түрінде өткен аттестацияны арнайы құрылған комиссия жүргізді. 

Комиссия мүшелері ұстаздардың Құран және хадис ілімдерін меңгеру деңгейін, фиқһ (ислам құқығы), ақида (сенім негіздері) және басқа да пәндер бойынша білімін сараптап, педагогикалық қабілеттеріне баға берді. Сонымен қатар, ұстаздардың оқу бағдарламасын жетілдіру бойынша ұсыныстары тыңдалды

Аттестация нәтижесінде жоғары көрсеткіш көрсеткен ұстаздар арнайы сертификаттармен марапатталды. Медресе әкімшілігі ұстаздардың кәсіби біліктілігін арттыру мақсатында осындай бағалау жүйесінің маңыздылығын атап өтіп, алдағы уақытта біліктілікті жетілдіру курстарын ұйымдастыру жоспарланып отырғанын жеткізді.