Адамзаттың асыл тәжі болған пайғамбарымыз (с.ғ.с.) дүниеге келген айы - Мәуліт мерекесі келіп, көпшілік еске алып, салауат айуды бастады.

Осындай бір Алла елшісінің (с.ғ.с.) өнегелі ғұмырын еске алу мақсатында "Һибатулла Тарази" медресе-колледжінде ерекше іс-шара ұйымдастырылды.

Студенттер арасында пайғамбарымыз (с.ғ.с.) Мәуліт мерекесіне орай, курсаралық қойылым жарысы өтті. Білімді өнермен жеткізу арқылы өзара бақ сынасқан топтар айтар ойларын салмақты әзілмен жеткізіп, қатысушыларды толғандырды. Ілім алуға келген жалқау студенттің де бет-бейнесі көрсетіліп, көрермен студентерге айтарлықтай ой салды.

Жоба жетекшісі медресе-колледж директоры Сәкен Сейдикаримов жиын соңында әрбір істе пайғамбарды үлгі тұтсақ, ешқашан қателеспейтінін тілге тиек етіп, қатысқан студенттерге қаржылай сыйлық тарту етті. Әділ қазы ретінде қатысқан ұстаздар да өз ойларын айтып алғыстарын білдірді.

Ақерке БЕКҚҰЛОВА

"Һибатулла Тарази" мешітінің баспасөз қызметі