Бүгін күндердің сұлтаны қасиетті жұма күні жұма намазының алдында "Һибатулла Тарази" мешіті жанынан ашылған Құран қарилар курсы 7-ші түлегін жамағатқа таныстырды. 

ҚМДБ-ның Жамбыл облысы бойынша бас имамы Бейбіт Мырзагелдиев көпшілік алдында қари атанған Азат Бухаралиевке курс сертификатын табыстап, дұға жасады. Қари Құранды 2022-2023 жылдар аралығы яғни 1 жыл ішінде толықтай жаттап шықты. 

Айта кетейік, курстың ашылғанына санаулы ғана жылдар болғанымен 7 қариды тәрбиелеп шығарды. Жастарға  ұстаз Бірлік Амангелді Құранды ықыласпен, барлық ережесіне сай жаттатып, тәрбие беріп беруде. Қариялар ұстазына және қариға бата беріп, жылы лебіздерін білдірді.

Сонымен қатар бас имам жамағатқа 30 параны толық жаттауға жақын қалған курстың шәкірттерімен таныстырып, рухани сөздерімен жігерлендірді. 

Ақерке БЕКҚҰЛОВА

"Һибатулла Тарази" мешітінің баспасөз қызметі