Жаңалықтар

#Талас: Ерікті жастар мешшіт тазалығына атсалысты

Талас ауданы, Саду Шәкіров ауылы, "Байтоқты баба" мешітінің имамы Оспанов Бақдәулет ауыл жастары арасында еріктілер құрамын жасақтады. Жастармен және мектеп оқушылармен толыққан құрамның негізгі уәзипасы қоғамда жақсылықтың жаршысы ретінде өнеге-үлгі қалыптастыру.

Осы ретте еріктілер мешіт тазалығы, көпшілік жүретін көшенің қарын тазалап, қартайған ата-аналардың үйлеріне барып қолқанат көрсету сынды әрекеттерімен көпшілікті тәнті етті. Және жақсы жағы жастарды өзгелерге көмек қолын созуға үлкендердің батасын алуға деген ықыластың тәтті дәмін таттыра білді.

Шараның басы қасында жүріп, мұрындық болып білек сыбана кіріскен ауыл имамына деген халықтың көңілі алабөтен екенінде жасырып қалмауға беттедік. Осындай өнегелі істердің жаршысы болу, бастаушысы болу әрбір мұсылманға қызықтыру болса керек. Аталған шара тақылеттес істер болашақта да Алланың жәрдемімен жалғасын табатындығын хабарлаймыз.

Талас аудандық мешітінің баспасөз қызметі

Облыстық мешітке жаңа ұстаз тағайындалды

Бүгін күндердің сұлтаны қасиетті жұма күні Жамбыл облыстық орталық "Һибатулла Тарази" мешітіне жаңа ұстаз тағайындалды.

#Талас: "Арақсыз ауыл" жобасы іске асуда

Талас ауданы "Байтоқты баба" мешітінің имамы Бағдаулет Ерханұлы Шакиров ауылында "Арақсыз ауыл" жобасын қолға алған болатын. Сол жоба аясында Шәкиров ауылында орналасқан екі бірдей дүкен иелері бұдан былай алкогольдік ішімдіктер саудасынан түбегейлі бас тартуға шешім қабылдады.

Шағын кәсіп иелері осындай қадам арқылы салауатты өмір салтын дәріптеуге үлес қоспақ. Жас ұрпақтың, қоғамның игілігі үшін оң шешім қабылдаған шағын кәсіп иелерін ауыл имамы Бағдаулет Ерханұлы құттықтап, алғыс хат пен діни кітаптар табыс етті. "Арақсыз ауыл" жобасын қолдаған дүкен игелері осылайша көпке үлгі болып отыр.

Талас ауданының "Қаратау Қажыби" мешітінің баспасөз қызметі

Жамбыл Облысы: қасапшылық ісі туралы семинар өткізілді

Жамбыл Облысы Һибатулла Тарази медресінде, «Халал Дамудың» Бас маманы Сафиев Данияр медрессе шәкіртеріне және де қасапшыларына «Ауыл шаруашылық жануарлар мен құстарды сою» туралы арнайы семинар өткізді.

Жамбыл имамдары Түркиялық бауырлар үшін дұға жасады

Облыстық "Һибатулла Тарази" мешітінде ҚМДБ-ның Жамбыл облысы бойынша бас имамы Бейбіт Мырзагелдиев бастаған Жамбыл өңірінің қала және аудан имамдары бас қосты.

Жиында қасиетті Құран Кәрім аяттары оқылып, көпшілік Түркиядаға оқиғада қаза тапқан бауырларға сауабын бағыштап, бауырлас елдің амандығы үшін дұға жасады.

Түркия мен оған көршілес бірқатар мемлекетте 7,8 балдық жер сілкінісі болып, Түркия мен Сирияда 1000-нан астам адам көз жұмды, 6 мыңнан астам адам зардап шекті. Жүздеген үй мен ғимарат қирады. Үйінді астында қалған, жарақат алған, қайтыс болғандар саны сағат санап артып жатыр. Ал қираған ғимараттар астында қаншама адам қалғаны әлі белгісіз. Елдің қабырғасын қайыстырған зілзаладан Алла аман етсін!

Ақерке БЕКҚҰЛОВА

"Һибатулла Тарази" мешітінің баспасөз қызметі