Талас ауданы "Байтоқты баба" мешітінің имамы Бағдаулет Ерханұлы Шакиров ауылында "Арақсыз ауыл" жобасын қолға алған болатын. Сол жоба аясында Шәкиров ауылында орналасқан екі бірдей дүкен иелері бұдан былай алкогольдік ішімдіктер саудасынан түбегейлі бас тартуға шешім қабылдады.

Шағын кәсіп иелері осындай қадам арқылы салауатты өмір салтын дәріптеуге үлес қоспақ. Жас ұрпақтың, қоғамның игілігі үшін оң шешім қабылдаған шағын кәсіп иелерін ауыл имамы Бағдаулет Ерханұлы құттықтап, алғыс хат пен діни кітаптар табыс етті. "Арақсыз ауыл" жобасын қолдаған дүкен игелері осылайша көпке үлгі болып отыр.

Талас ауданының "Қаратау Қажыби" мешітінің баспасөз қызметі

Облыстық "Һибатулла Тарази" мешітінде ҚМДБ-ның Жамбыл облысы бойынша бас имамы Бейбіт Мырзагелдиев бастаған Жамбыл өңірінің қала және аудан имамдары бас қосты. 

Жиында қасиетті Құран Кәрім аяттары оқылып, көпшілік Түркиядаға оқиғада қаза тапқан бауырларға сауабын бағыштап, бауырлас елдің амандығы үшін дұға жасады.

Түркия мен оған көршілес бірқатар мемлекетте 7,8 балдық жер сілкінісі болып, Түркия мен Сирияда 1000-нан астам адам көз жұмды, 6 мыңнан астам адам зардап шекті. Жүздеген үй мен ғимарат қирады. Үйінді астында қалған, жарақат алған, қайтыс болғандар саны сағат санап артып жатыр. Ал қираған ғимараттар астында қаншама адам қалғаны әлі белгісіз. Елдің қабырғасын қайыстырған зілзаладан Алла аман етсін!

 Ақерке БЕКҚҰЛОВА

"Һибатулла Тарази" мешітінің баспасөз қызметі

ҚМДБ бекіткен "Ислам және Ізгі қоғам" жылына арналған Жамбыл имамдарының алғашқы отырысы өткен болатын. 

Ауқымы шараға БАҚ өкілдері қатысып, биылғы жаңа бастама жайлы бас имамнан сұқбат алды. Jambyl телеарнасына берген сұқбатында Бейбіт Әліпбекұлы өткен жылдың нәтижелерін тілге тиек етіп, атқарылған жұмыстар мен республика бойынша қорытынды көрсеткіштерді сөз етті. 

Сонымен қатар 2023 жылға арналған 5 бағытқа тоқталып, жоспар бойынша жасалатын жұмыстарды жіліктеп атап өтті.  

Ақерке БЕКҚҰЛОВА

"Һибатулла Тарази" мешітінің баспасөз қыметі