Жаңалықтар

РЕСПУБЛИКАЛЫҚ МЕДРЕСЕАРАЛЫҚ ҚҰРАН ЖАРЫСЫ ӨТТІ

Жуырда ҚМДБ Діни білім және кадр дайындау бөлімі мен «Сарыағаш» медресе-колледжінің ұйымдастыруымен Республикалық медресеаралық Құран кәрім жарысы өтті.

«Сарыағаш» медресе-колледжінде өткен тағылымды жарыстың ашылуында ҚМДБ Діни білім және кадр даярлау бөлімінің меңгерушісі Смайыл Сейтбеков арнайы сөз сөйлеп, Бас мүфти Наурызбай қажы Тағанұлының сәлемін жеткізді.

Сайыс екі бөлімнен тұрды. Бірінші бөлімде қыздар арасында «3 пара» және «2 пара» және «Құранды мәнерлеп оқудан» жарыс болса, екінші бөлімде ер балалар үш номинация: «5 пара», «3 пара» және «Құранды мәнерлеп оқу» бойынша бақ сынады. Жарысқа ҚМДБ жанындағы Республикалық бас мешіттің наиб имамы, елімізге танымал қари Серік Ахметов, «Ықылас» қарилар дайындау орталығының ұстаздары Руслан Парпиев пен Зоя Жекейхан, сондай-ақ «Бала би» Қарилар дайындау орталығының ұстаздары Нұрболат Қазыбеков пен Айдана Сейтхан төрелік жасады.

"Һибатулла Тарази" медресе-колледжінде наиб мүфтимен жүздесу жасалды

Бүгін күндердің сұлтаны жұма күні Жамбыл облыстық "Һибатулла Тарази" медресе-колледжіне Қазақстан мұсылмандары діни басқармасы Төрағасының орынбасары, наиб мүфти Ершат Ағыбайұлы келіп, студенттермен жүздесті.

#Т.Рысқұлов: Имамдар арасында футболдан жарыс өтті

Тұрар Рысқұлов аудандық «Сұлтан» мешітінің бас имамы Сұлтаншәріп қажы Джадраевтың ұйымдастыруымен аудан және қала имамдары арасында кіші футболдан жарыс өтті. Жарысқа Тараз қаласынан екі команда, Қордай, Шу, Меркі аудандарының дін қызметкерлері келіп, 6 команда бақ сынасты.

Спорттық дода Рысқұлов аудандық спорт кешенінде «Біз экстремизм мен терроризмге, нашақорлыққа қарсымыз» ұранымен арнайы мешіт қызметкерлері үшін ұйымдастырылды. Кіші футболдан өткен сайыста бірінші орынды Тараз-1 командасы, яғни Жамбыл облыстық орталық мешіттің имамдары, екінші орынды Меркі имамдары, үшінші орынды «Тараз-2» командасы иеленді. Жеңімпаздар кубок, медаль, алғыс хатпен бірге ақшалай сыйлықтармен марапатталды.

Жарыстың үздік шабуылшысы облыстың бас имамы Бейбіт Әліпбекұлы, үздік қақпашы Халид Қожахметов, үздік қорғаушы Батыр Тоқтамұратов атанды. Спорттық сайысы өткізудегі мақсат - мешіт имамдарының салауатты өмір салты, дене шынықтыруда бас қосуы. Пайғамбарымыз (с.а.у.) бір хадисінде: «Күшті мұсылман әлсіз мұсылманға қарағанда қайырлы», - деген. Кезекті кіші футболдан жарыс Қасиетті Рамазан айынан кейін Қордай ауданында жалғасын табатын болады.

Қуаныш Тузелбеков

Рысқұлов аудандық мешіттің баспасөз қызметі

#Талас: Ерікті жастар мешшіт тазалығына атсалысты

Талас ауданы, Саду Шәкіров ауылы, "Байтоқты баба" мешітінің имамы Оспанов Бақдәулет ауыл жастары арасында еріктілер құрамын жасақтады. Жастармен және мектеп оқушылармен толыққан құрамның негізгі уәзипасы қоғамда жақсылықтың жаршысы ретінде өнеге-үлгі қалыптастыру.

Осы ретте еріктілер мешіт тазалығы, көпшілік жүретін көшенің қарын тазалап, қартайған ата-аналардың үйлеріне барып қолқанат көрсету сынды әрекеттерімен көпшілікті тәнті етті. Және жақсы жағы жастарды өзгелерге көмек қолын созуға үлкендердің батасын алуға деген ықыластың тәтті дәмін таттыра білді.

Шараның басы қасында жүріп, мұрындық болып білек сыбана кіріскен ауыл имамына деген халықтың көңілі алабөтен екенінде жасырып қалмауға беттедік. Осындай өнегелі істердің жаршысы болу, бастаушысы болу әрбір мұсылманға қызықтыру болса керек. Аталған шара тақылеттес істер болашақта да Алланың жәрдемімен жалғасын табатындығын хабарлаймыз.

Талас аудандық мешітінің баспасөз қызметі

Облыстық мешітке жаңа ұстаз тағайындалды

Бүгін күндердің сұлтаны қасиетті жұма күні Жамбыл облыстық орталық "Һибатулла Тарази" мешітіне жаңа ұстаз тағайындалды.