Жаңалықтар
Жаңалықтар
#Т.Рысқұлов: Имамдар арасында футболдан жарыс өтті
#Т.Рысқұлов: Имамдар арасында футболдан жарыс өтті
Тұрар Рысқұлов аудандық «Сұлтан» мешітінің бас имамы Сұлтаншәріп қажы Джадраевтың ұйымдастыруымен аудан және қала имамдары арасында кіші футболдан жарыс өтті. Жарысқа Тараз қаласынан екі команда, Қордай, Шу, Меркі аудандарының дін қызметкерлері келіп, 6 команда бақ сынасты.
Спорттық дода Рысқұлов аудандық спорт кешенінде «Біз экстремизм мен терроризмге, нашақорлыққа қарсымыз» ұранымен арнайы мешіт қызметкерлері үшін ұйымдастырылды. Кіші футболдан өткен сайыста бірінші орынды Тараз-1 командасы, яғни Жамбыл облыстық орталық мешіттің имамдары, екінші орынды Меркі имамдары, үшінші орынды «Тараз-2» командасы иеленді. Жеңімпаздар кубок, медаль, алғыс хатпен бірге ақшалай сыйлықтармен марапатталды.
Жарыстың үздік шабуылшысы облыстың бас имамы Бейбіт Әліпбекұлы, үздік қақпашы Халид Қожахметов, үздік қорғаушы Батыр Тоқтамұратов атанды. Спорттық сайысы өткізудегі мақсат - мешіт имамдарының салауатты өмір салты, дене шынықтыруда бас қосуы. Пайғамбарымыз (с.а.у.) бір хадисінде: «Күшті мұсылман әлсіз мұсылманға қарағанда қайырлы», - деген. Кезекті кіші футболдан жарыс Қасиетті Рамазан айынан кейін Қордай ауданында жалғасын табатын болады.
Қуаныш Тузелбеков
Рысқұлов аудандық мешіттің баспасөз қызметі
#Талас: Ерікті жастар мешшіт тазалығына атсалысты
Талас ауданы, Саду Шәкіров ауылы, "Байтоқты баба" мешітінің имамы Оспанов Бақдәулет ауыл жастары арасында еріктілер құрамын жасақтады. Жастармен және мектеп оқушылармен толыққан құрамның негізгі уәзипасы қоғамда жақсылықтың жаршысы ретінде өнеге-үлгі қалыптастыру.
Осы ретте еріктілер мешіт тазалығы, көпшілік жүретін көшенің қарын тазалап, қартайған ата-аналардың үйлеріне барып қолқанат көрсету сынды әрекеттерімен көпшілікті тәнті етті. Және жақсы жағы жастарды өзгелерге көмек қолын созуға үлкендердің батасын алуға деген ықыластың тәтті дәмін таттыра білді.
Шараның басы қасында жүріп, мұрындық болып білек сыбана кіріскен ауыл имамына деген халықтың көңілі алабөтен екенінде жасырып қалмауға беттедік. Осындай өнегелі істердің жаршысы болу, бастаушысы болу әрбір мұсылманға қызықтыру болса керек. Аталған шара тақылеттес істер болашақта да Алланың жәрдемімен жалғасын табатындығын хабарлаймыз.
Талас аудандық мешітінің баспасөз қызметі
Облыстық мешітке жаңа ұстаз тағайындалды
Бүгін күндердің сұлтаны қасиетті жұма күні Жамбыл облыстық орталық "Һибатулла Тарази" мешітіне жаңа ұстаз тағайындалды.
#Талас: "Арақсыз ауыл" жобасы іске асуда
#Талас: "Арақсыз ауыл" жобасы іске асуда
Талас ауданы "Байтоқты баба" мешітінің имамы Бағдаулет Ерханұлы Шакиров ауылында "Арақсыз ауыл" жобасын қолға алған болатын. Сол жоба аясында Шәкиров ауылында орналасқан екі бірдей дүкен иелері бұдан былай алкогольдік ішімдіктер саудасынан түбегейлі бас тартуға шешім қабылдады.
Шағын кәсіп иелері осындай қадам арқылы салауатты өмір салтын дәріптеуге үлес қоспақ. Жас ұрпақтың, қоғамның игілігі үшін оң шешім қабылдаған шағын кәсіп иелерін ауыл имамы Бағдаулет Ерханұлы құттықтап, алғыс хат пен діни кітаптар табыс етті. "Арақсыз ауыл" жобасын қолдаған дүкен игелері осылайша көпке үлгі болып отыр.
Талас ауданының "Қаратау Қажыби" мешітінің баспасөз қызметі