ҚМДБ-ның Жамбыл облысы бойынша Әйел-қыздар секторының жетекшісі Жазира Иманалиева мен "Һибатулла Тарази" мешітінің ұстаздары Жібек Қолағұлова, Нұргүл Алиханқызының ұйымдастыруымен "Құран кеші" өтті.

Аталған рухани кеш қасиетті Құран аяттарымен басталып, ҚМДБ-ның Жамбыл облысы бойынша бас имамы Бейбіт Мырзагелдиевтың насихат сөзімен ашылды. Жиынға "Әжелер алқасы", ардақты ұстаздар, шәкірттер мен жамағат қатысты.

Облыстық мешітте діни сауат ашу курсында ілім алушы қыз-келіншектердің құрметіне жасалған кеште Құранға түскен 60 шәкіртке құрмет көрсетілді. Шарада Құран тақырыбында, Алланың кәләмына деген махаббат тақырыбында уағыздар айтылып, қызықты ойындар ойнатылды, сонымен қатар мәні терең бейнероликтер көрсетілді.

Айта кетейік, сауат ашу курсында орталық мешіттің өзінде "бастауыш" топта - 95 шәкірт, "Құран жаттаушы" топта - 40, "орыс тілді" топта - 20, "әжелер" тобында - 25 адам, жалпы, 200-ге жуық қыз-келіншектер мен апалар білім алуда.

Рухани ортаға, білімге толы жиын соңында барлық қонақтарға қасиетті Құран кітабы тарту етілді. Алланың кәләмі жазылған кітапты сыйға алған жамағаттың қуанышында шек болмады. Шараға 150-ден астам адам қатысқан болатын.

Ақерке БЕКҚҰЛОВА

"Һибатулла Тарази" мешітінің баспасөз қызметі

Қазақстан мұсылмандары діни басқармасының қорытынды Төралқа мәжілісі барысында «Мүфтият үздігі – 2022» номинациясымен марапаттау рәсімі өтті. Салтанатты шараға Бас мүфти Наурызбай қажы Тағанұлы арнайы қатысып, номинация иегерлерін марапаттаған болатын.

Аталған шарада Жамбыл облысы "Һибатулла Тарази" мешітінің наиб имамы Нұралы Бақытұлы «Жыл уағызшысы-2022», ал "Кеңесхан қажы" мешітінің ұстазы, Phd доктор Зейнеп Үсенова «Үздік ұстаз-2022» марапатын иеленді. 

Бүгін ҚМДБ-ның Жамбыл облысы бойынша бас имамы Бейбіт Мырзагелдиев ардақты ұстазға марапатты жеткізіп, қызметіне жеміс тілеп, алғыс білдірді. 

 Ақерке БЕКҚҰЛОВА

"Һибатулла Тарази" мешітінің баспасөз қызметі

Облыстық "Һибатулла Тараз" мешітіне арнайы келген Дін істері және құзырлы орган қызметкерлері жамағатты мешіт тәртібін сақтауға шақырды. 

Жанұя ошағының негізгі тірегі әйел заты. Әйел баласының қоғамның қабырғасын қалаудағы күштірек. Өйткені бала тәрбиесі әйелден басталады, отбасы ұйытқысы да әйел. 

Қоғамдағы әйелдерге қатысты іс-шараларды ұйымдастырып, білім беретін, әйлдермен жұмыс жасайтын мешіттің жұмыс бөлімі - Әйел-қыздар секторы. 

Аталған ҚМДның Жамбыл облысындағы сектор басшысы болып бас мүфтидің бұйрығымен Жазира Иманалиева тағайындалды. 

Жазира ұстаз 2009-2013 жылдары Шымкент медресесін, 2013-2014 жылдары Түркия медресесін, 2017-2020 жылдары "Нұр-Мүбәрак" университетін бакалавр бойынша тамамдаған. Сонымен қатар 2021 жылы Түркия мемлекетінде "Мектепке дейінгі балаларға діни сауат ашуды үйрету" білімі бойынша орталықта білім алған білікті маман. 

Ақерке Бекқұлова

"Һибатулла Тарази" мешітінің баспасөз қызметі