Ораза сөзінің тілдік мағынасы «іс-әрекеттен тыйылып, оны тәрк ету» дегенді білдіреді. Ал шариғаттағы мағынасы «тақуалыққа жетуді көздеп, сауабын бір Алладан үміт етіп, тәң сәріден күн батқанға дейін арнайы ниетпен белгілі бір істерден тыйылу» деген ұғымды білдіреді.

Алла Тағала бізге қандай істі бұйырса, сол амалдың түпкі мақсатында мұсылманды тәрбиелеу, көркем мінезге баулу, жауапкершілікті сезіндіру, адамгершілік қасиеттерді қалыптастыру сынды хикметтер жатқанын айқын аңғарамыз. Өйткені көркем мінез Исламдағы рухани тіректердің бірі ғана емес, асыл дініміздің өзегін айқындайтын басты өлшемдердің бірі саналады.

Намаз – исламның бес парызының бірі әрі құлшылықтың ең абзалы. Ардақты Пайғамбарымыз (оған Алланың салауаты мен сәлемі болсын) намазды «Діннің тірегі», «Мүминнің миғражы», «Жұмақтың кілті», «Көзімнің нұры», – деп түрлі атаулармен атаған. Бұның барлығы намаз оқудың қаншалықты маңызды екендігінің көрінісі.

Садақа беру

Садақа туралы сөз болғанда, біз әдетте «садақаны беру», «садақаға ақша жұмсау» деп түсінеміз. Бірақ іс жүзінде біз бермейміз, керісінше көбейтеміз десек, иланасыз ба? Алла елшісі (оған Алланың салауаты мен сәлемі болсын):«Кімде-кім бұл айда сауап үшін ұнамды бір көркем іс істейтін болса, ол ісі өзге айларда орындалатын парыз амалмен тең. Ал кім осы айда (Рамазанда)
бір парызды орындайтын болса, онысы өзге айларда орындалатын жетпіс парыз амалмен тең», – деген.

Адам баласы жалғыз өзі жеке өмір сүре алмасы белгілі. Себебі адам болмысынан көппен, қоғаммен күнелтуге жаралған. Бабаларымыдың «Адамның күні адаммен» дейтіні де осыдан болса керек.  «Бауыр» сөзі бір әке, бір анадан туған ағайындармен қатар, бір сенімде, бір дінде болған имани бауыр деген ұғымда да қолданылады. Алла Тағала иман келтіргендердің жүрегін бауырмалдық арқылы бір-біріне бекіткен. Қасиетті Құранда Алла Тағала: